Тропарь Преображению гл. 7
Преобразился еси на горе, Христе Боже, / показавый учеником Твоим славу Твою, / якоже можаху: / да возсияет и нам грешным / свет Твой присносущный, / молитвами Богородицы, // Светодавче, слава Тебе.
Тропарь мц. Параскеве гл. 4
Премудрая и всехвальная Христова мученица Параскева,/ мужескую крепость приемши, женскую же немощь отвергши,/ диавола победи, и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо радующися иду ко Христу, Жениху моему.// Тоя молитвами, Христе Боже, спаси души наша.
Слава: Кондак мц. Параскеве гл.3
Всесвятое и непорочное мучение принесши,/ яко вино пречестное, безсмертному Жениху Христу,/ангельское ликостояние возвеселила еси/ и победила еси демонския козни:// сего ради тя честно верою чтим, мученице Параскево, многострадальная.
И ныне: Кондак Преображению гл.7
На горе преобразился еси, / и якоже вмещаху ученицы Твои, / славу Твою, Христе Боже, видеша; / да егда Тя узрят распинаема, /страдание убо уразумеют вольное, / мирови же проповедят, // якоТы еси воистинну Отчее сияние.